মই বিচৰা নাই এনেদৰে বিদায় লবলৈ
বিচৰা নাই মই মায়া ভৰা দুচকুৰে অশ্ৰু নিগৰাবলৈ
বিচৰা নাই জীয়াই থাকিও আতৰি থাকিবলৈ
তোমাক এপলক চোৱাৰ বাবে আকাশৰ পিনে চাই থাকিবলৈ,
বিচাৰিছোঁ ৰাতিপুৱাৰ নিয়ৰ ভিজা দুৱৰিত দুভৰি তিয়াবলৈ।
মই বিচৰা নাই এনেদৰে অপেক্ষা কৰিবলৈ
বিচৰা নাই অপূৰ্ব ফুলৰ বাগিছাৰ
সেই অচিনাকি পথটোৰ পিনে চাই থাকিবলৈ,
বিচৰা নাই অস্পষ্ট সেই ওৰনি টানি থকা
ছোৱালী জনীৰ বাবে বহি থাকিবলৈ
বিচাৰিছোঁ সেই চিপচিপিয়া বৰষুণ জাকত
আনন্দতে দুয়ো তিতিবলৈ।
মই বিচৰা নাই পূৰ্ণিমা ৰাতি অকলে বহি থাকিবলৈ
বিচৰা নাই জোনৰ পোহৰত নিৰবে কান্দিবলৈ
বিচৰা নাই জোনাকী পৰুৱাৰ দৰে ৰাতি সাৰে থাকিবলৈ ,
আন্ধাৰৰ মাজতো তোমাক বিচাৰিবলৈ
বিচাৰিছোঁ মৰুভূমিৰ বুকুত বৃষ্টি নমাবলৈ।
মই বিচৰা নাই তোমাৰ পথৰ হেঙাৰ হবলৈ
বিচৰা নাই দুয়োজনে দুফালে মুখ ঘুৰাই থাকিবলৈ
বিচৰা নাই কোনোদিনে তোমাক হেৰুৱাবলৈ,
নিৰবে বুকু ফালি কান্দিবলৈ
বিচাৰিছোঁ কেৱল দুখন হৃদয়ৰ মাজত ফোৱাৰা তুলিবলৈ।
ধ্ৰুৱজিৎ বৰ্মন
Comments
Post a Comment